Hjá Jóa byssusmið færðu Mauser veiðiriffla. Þar má nefna Mauser M18 sem kostar 125.000 kr og er trúlega bestu kaupin í þessum verðflokki. Mauser M12 og Mauser M03 eru gæða gripir sem vert er að skoða.
M18 Verð: 125.000 kr.
M12 IMPACT Verð: 351.000 kr.
M03 PURE Verð: 650.000 kr.
Loks kom að því að prufuskjóta Mauser M18. Fyrir valinu urðu 100gr hreindýraskot frá Hornady og Sako. Vel líkaði mér árangurinn og svo vildi til að góður skotmaður var á svæðinu og skilaði hann þessari þriggja skota grúbbu.
Leica RANGEMASTER CRF 2400-R er mættur til starfa. Sjón er sögu ríkari og á stéttini fyrir utan hjá Jóa byssusmið er gott útsýni þegar skoða þarf sjóngler.
Verð: 84.000 kr
Alltaf eitthvað nýtt hjá Jóa byssusmið.
Léttur dagpoki með veðurhlíf í áberandi sýnileikalit.
Verð: 17.000 kr.
Þessi er spennandi. Mauser M12 Black Impact. Cal 308 Win. Hér fara Þýsku verkfræðingarnir á kostum og ”COMPACT, LONG-RANGE SPECIALIST” á vel við. Verð: 351.000 kr.
Hér má sjá Jóa sýna M12 Impact: https://www.youtube.com/watch?v=qQZpHp2DFFM&feature=share&fbclid=IwAR23Lob8oe_RNBWcKbXikj67Y-8O9qYAxB4Gg4Vvw2bbjZSxuuwhT4m_v4Y
Beretta 87 Target. Ný og ónotuð byssa. Verð: 120.000 kr
Hér eru myndir af Bruno riffli sem Jói byssusmiður hefur lokið við að gera upp.
Jói byssusmiður hefur fengið það staðfest að Bergara komi til með að bjóða þeim sem skjóta af vinstri öxl veiðiriffla.
B14 Timber verður fáanlegur í cal 308 Win með boltahandfangið vinstramegin. B14 HMR verður fáanlegur í cal 308 Win og 6.5 Creed.
Nýtt hjá Jóa byssusmið.
Nú er komið í hillur Begara Ridge veiðiriffill. Þetta er upp á útlensku light varmint og stundum vefst fyrir undirrituðum að snara því yfir á Íslensku. Varmint skotfimi er ættuð úr Ameríkuhrepp og þróaðist á sléttum þar sem ferfættlingum var fækkað á mjög löngum færum af ýmsum ástæðum. Svona svipað og með refinn hjá okkur. Varmint rifflar eru þunghleyptir og með stuttum lásum. Svo eru til ótal afbrigði af því sem afsanna þá alhæfingu að Varmintlásar eigi að vera stuttir. Sá sem hannaði Bergara Ridge fer bil beggja og snúningur í hlaupi er 1 á móti 11 tommum. Flestir rifflar í cal 308Win eru ýmist með 10 eða 12 snúning. Hlaupið er 22 tommur og sverleiki við hlaupenda 19mm. Bergara Ridge er með 3 skota losanlegan skotgeymir. Hlaup er frítt frá skefti sem er úr sterku gerfiefni sem svignar ekki þegar skotið er af tvífæti. Bergara Ridge er góður alhliða veiðiriffill sem uppfyllir kröfur þeirra sem ætla sér að halda til veiða á hreindýrum og njóta þess að vera með góða veiðibyssu á skotvellinum.
Fyrir skömmu fékk Jói byssusmiður sendingar frá Spáni og Þýskalandi. Þú færð Mauser riffla hjá Jóa byssusmið á verði frá 125.000 kr.
Þá má einnig geta þess að Bergara rifflar frá Spáni eru vandaðir gripir og fást á verði undir 100.000 kr. Bergara BA13 Take-Down hafa fengið góðar viðtökur hjá þeim sem ferðast létt og vilja trausta veiðiriffla í slark.
